Zun döt zien verhaol
waor wij op komt
waoraachtig
zoveul dwaarsverbaanden
bruggies
wat mij angeeit
vandaog
westkaantstad klinkt meziek
over geveuil um te veuilen
zunder doel-
ales nemp de tied
laot maor lös, laot maor gebeuren
nem het glas, in de haand,
an de mond
daor is ze
laot je hoop maor vaoren
vergeet 't doel
zun döt zien verhaol
net as Walkyre Echo's
op verhaol komp
in een boouk
en toonstèelde schilderijen
in de MagnusKark in Aanloo
kleurd deur 't verhaol
dat deur Drenthe waort
nog aaltied
undergronds of in 't zicht
op en in de Hondsrug
op een film van de veurstelling
verhaolen die zuch schreven
an de haand van vondsten
de olde bark sprek zuch oet
zun döt zien verhaol
sprek van taol, aarme taol
kiek maor met
't is d'r nog
't besteeit nog
rieke taol die sprek
van hetzölfde maor dan aans
de wind fluustert, de zun luustert
zun döt zien verhaol
(in woorden, gebaoren en met snaoren)
een cd die op batterij kwaam
klaanken wörden toverd
um woorden hen
die zuch toonden op pepier
meziek en woorden klopt
kwamen tot en met leven
zun döt zien verhaol
in The Hall of Fame
rock 'n' roll en de wortels daorvan
blaank en zwaart gliert in mekaor
rock 'n' roll en die sprek
gitaar, stem, haartekreet
een thoes in de blues-
zun döt zien verhaol
laow hèelpen
laow bidden
laow rieden
laow de scheupers anzeein
die vanneis
die op reis
die zuch oetbreid
die in beweging blieft
literatuur
riepend, riekend, riekdom tonend
zoas de zun zien verhaol döt
op leeg pepier
- Egbert Hovenkamp II-