Leven geeit gewoon deur;
op boeten is volk op batterij
van een trouwerij-
op binnen schilderijen en beeilden
Volk gledt binnen,
haanden wodt schud:
"Hee, ij hier ok?"
glimlaachen, herkenning
Beeilden gliedt
aover mekaor-
staot op zuchzölf.
Goenende hebt zuch mengt
met gedichten,
aander staot op zuchzölf.
Beeilden gliedt
in mekaor aover-
je ogen brengt
de scheiding an-
ij kiekt van de eein
naor de aander,
de eein rop je,
de aander fluustert
en brengt zuch
in en an het locht.
(op boeten wodt bellen blaozen,
op boeten gaot de pas-trouwden
in de old-timer
een nei leven an)
Mèensen verzaomelt zuch,
heurt het praottie an
dat het open döt
-Gerard Nijenhoes is zeeik
en ik stao hier
met pien in de rug-
Happies en draankies
staot klaor;
de schilderijen kiekt het an
en wij naor heur-
keramiek kek; kiek maor
beeilden kiekt; blief maor even staon.
Op boeten de zun,
op binnen de kunst-
kunst aodemt in en oet
kunst kek an en zöt an
kunst gef an en gef weer
kunst stroomt in ogen
kunst stroomt in aa en Hunze
vanoet Börger-Odoorn
kunst leeft, kunst aoverleeft
kunst geeit aover leven
kunst sprek van leven
vanoet kunnen en duren
vanoet vandaog naor mörgen
kunst daanst naor je beleven
Op boeten schient de zun
op binnen kiek ij
ogen oet
ogen in
ogen oet
ogen in
ogen oet
ogen in
Kunst leeft en lat leven
laot je maor deur kunst umgeven
(EGBERT HOVENKAMP II)