Heur de wind weijt deur de bomen
hier op binnen volgt een gesprek of geplaas
maor terziede wodt
d'r ok meziek maokt:
de haomer en de spieker
de vrouw en de wieze van umgaon
de haomer en de spieker
de snaoren en de stem
het veurkommen en de naom
-een klingelnd bellegie kleurt de meziek met an-
en terziede
een koor een vredesmis
een veurzitter met een oetbraachte stem op grote schaol
beeilden wod toond die de meziek met oetspreekt
-mannen vraogt um naozit
veur ze d'r bij zit-
de bosschup sprek zuch oet
een veurjaor een nei geluud
solostemmen in koor
tiedens het zingen de kerk in
en terziede
SnaorenTied
die schoffelt met meziek
die bargen opklimt tot de leste schoffel de eerde
de leste snaor de weerde van meziek
die dag dat d'r tied veur snaoren is
en terziede
in Aomen zung zie zuch in de priezen
allent met een unwennige gitaar in een waarme jas
lekker doekt deur de mèensen
deur het rapport dat zuch oetsprak in lof en leve de meziek
die as klunk oet lief, leden, haart en ziel
en terziede
reer ik maor niet
a'k mien naom heur
ik kom op hoes an
traonen in de ogen
waonen van de dag
wieder maor weer
ik reer maor niet
ik kom op hoes an
en terziede
bint d'r kunstenaors
doounde as docent
die toont wat ze weerd bint
kom maor kieken
keramiek in vaaste vörm of vrijoet
daansend deur de verbeeilding
het stroomt het toont het gef zicht
kiekbaor en toonbaor
inkommen en oetkomst
mèens duur te kieken
open je blik
maor
dit terziede
- Egbert Hovenkamp II-
(N.B. "terziede", op ungepaaste wieze, kwaam anweijen deur dat Ger Siks het neuimde)
(N.B. 2 hierunder nog wat woorden, die an- en weergeeft wat d'r gebeurde nao de opnaome; d'r was een SaomenSpel van muzikaanten en zangers/zangeressen in de kroeg en tiedens dat GeBeuren schreef ik dizze woorden:
"zacht spreekt de muziek dan door de ruimte
stemmen zingen hartenklop
snaren spreken uit wat een lied is
wat een golf is van inspiratie
van mij naar jou en weerom en weerom
eigenlijk sprakeloos
eigenlijk in stilte
levend
eigenlijk zingend van verten voor ogen
verten die je open kijkt
zacht spreekt de muziek"
-Egbert Hovenkamp II-