Occupy Spiekerboor
waor het gèeld stroomt
tot veur de deur
waotervörmig - schipvol
Occupy Spiekerboor
waaor veer winden weijt
vanof een speeigelplaottie
met stemmen die as saomen
een gitaar die as gledt
wieder laot ik de winden weijen
an mij veurbij
zaachies an
Occupy Spiekerboor
Occupy Roden
waor as glas toond wodt
um an te zeein
um deurhen te kieken
beleefbaor glas - blaozen,
lochtkwaast, zaandstraold, lochtraokt
verbindende kunst
een brug tussen leven en dood
riek an kleuren, net as leven
op pad naor de dood,
een glas van starven daortussen
Occupy het podium
waor as vandaog gieneein steeit
daorum een speeigelplaottie
van waorof zungen wodt
over Freddie King,
an taofel, in de waogen
op pad naor Spiekerboor
Occupy Spiekerboor
en Raol
waor Arie van der Boon schilderde
wat e zag, wat wij kunt zeein
op pad op de kunstroute,
trapperpeddelend of voout nao voout
Occupy het doouk met
herinnerings en oetzichten
op boerderijen en meul
vort of vaaststaond
Occupy de meziek
gao d'r in wonen as een grieze geest
in een vallei
hoou vaok leuip ik hier
't oetzicht te preuiven
um dan weer op stee te kommen
met zun en femilie um mij hen
Occupy de Steeg
vrooug van schooul
de steeg stukt het oet
met een stuk op de plaanken
dwaars d'r deurhen
deur de bosschup
deur de veuroordeeilen
Occupy jezölf
stao op en geef weer
stel veur en zeei in
Occupy het klaore verhaol
kom d'r op, kom d'r in
- Egbert Hovenkamp II-