HOES VAN DE BLUES
Het hoes van de blues
waor as vroouger
de klaanken klunken
de zaanger zaachies zung
van leeifdes verdrunken
veul volk op batterij kwaam
um Cuby te Kieken
is nou een hoes
waor Cuby en Consorten
veur altied vaaststaot
as stolde herinnerings
an vroouger
levend in vandaog de dag
Het hoes van de blues
hef de baander
wied lös
hef de roeten
poetst
zodat ankiek
inzicht kan wodden
zodat inkiek
niet stiekum meer heuift-
komt dat zeein
komt dat heuren
HET HOES VAN DE BLUES OPENT DE DEUREN!