De zun hef een daggie
vrij kregen
wolken hebt vrij spel
ze holdt zich in
in gries
wel wet wat ze oous nog
zult geven
Wij zit hier weer
an taofel
raokt an de praot
over een boouk
over teniel
over een cultureel pregramma
in Veenhoezen
-ik heur de pien
ik zeei het vinden
zunder end
de blooumen bint vort
ik heur je geveuil
ik dèenk an de bellen
under waoter
de blooumen bint vort
maor ik stao je bij-
Blogs te boouk en in de kraant
van de haand van
een burgemeeister
maor bovenaal mèens
die as kek
en opschref wat het hum döt
verbindings zöt -
wat e waornemp en veur waor annemp
en weergef
-veurjaorwolkenwegwiezers
in een wiede wereld
under een wiedse locht
over laand en tied
waor leven blinkt en glaanst
vogelvleugelslagoetzicht-
Kleine Teun döt het Het van de Dam
komp op batterij in dat theaoter
dat d'r nog is dat blieven mot
Kleine Teun tekstriek
Kleine Teun schriefriek
Kleine Teun opdeeipend
Kleine Teun in het Hek van de Dam
-dat kleine schuurtie
waor mien traonen en vooutstappen
waor het waoter en de locht
waor de winter en de snei
waor de vlammen in de hel
dat kleine schuurtie-
Veenhoezen
sluzen en sloten
paupers en podia
geschiedenis en gebeuren
traonen en triomf
tango an de sluus
cultuur in de buus
op de rails
in de bak
-allent in een verlaoten liekende stad
een drenkeling
krummelende bargen en gebouwen
in een aander leven
rolt wolken veur ogen
vogels in de locht
bomen rekt zuch oet
allent in een verlaoten liekende stad-
-Egbert Hovenkamp II-